Link açıqlığı

Saatnıñ esas haberi

BLOGLAR

Çarşеnbe 9 oktâbr 2019

Calendar
oktâbr 2019
Bzt Sal Çrş Cmq Cum Cmt Baz
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
Ukrain yırcı Oleğ Vınnık

Matbuat ve içtimaiy ağlarnı şaşırtqan ukrain yırcı Oleğ Vinnıknıñ intevyüsi yavaş-yavaş haberler TOPundan coyula. Ne-ne, amma soñki vaqıtları Ukrainada haber yetmemezlikki yoq.

Hatırlatayım, Oleğ Vinnık, nasıldır rusiye teşkilâtı teşkil etken #Vsemmir (Er keske barışıq) fleşmobında iştirak etken yekâne ukrain icracısı oldı. Bu fleşmobda evelleri Qırım işğaline faal qol tutqan bir qaç Rusiye icracısı iştirak etti.

Çıqqan davadan soñ Vinnık, ukrain telekanallarına intervyü berip: "Men bir şey bölmeycegim ve Qırım kimniñki olğanını aytmaycağım. Maña öyle körüne ki, bugün bunıñ aqqında aytmaq kerekmey", dep ayttı. Ve, niayet, mühlisleriniñ aqıl-mantığı olğan qısmını, "Qırım içün iç bir asker ölmedi", dep suvuttı.

Vınnık sadece turmuş laflarında aytılğan şeylerni mediada seslendirdi

Men, yalannı aqiqatqa çevirgen (belki bilmemezlikten, amma, menimce, lâqaylıqtan) populâr yırcığa taş atmaq içün nevbetke turmaycağım. Mediada çıqqan qavğa-dava onıñ imicine ve yıldız karyerasına tesir etir, dep ümütlenem.

Men, kerçekmi-uydurılğanmı umumiy amneziya vaqtında susqunlıqnıñ qorqunçlı zararı aqqında aytmağa isteyim. Şimdi adamlar, üç yıl evel namuslı cemaat arasında seslenilmegen seylerni aytıp başladı.

Vınnık sadece turmuş laflarında aytılğan şeylerni mediada seslendirdi. Amma öyle oldı ki, yırcınıñ populârlığı sebebinden, onı, lâqayt olmağan, Donbass cenki neden başlağanını hatırlağan adamlar eşitti. Amma Vınnık bunı, deyik, 2014 yılı 10-12 yaşında olğan büyük sınıf talebeleri arasında aytsa edi - ösmürler, belki de, mabutnıñ (kumir) laflarını şübelenmeycek bir aqiqat kibi qabul eter ediler. Sözlerimniñ tasdıqı olaraq - Rusiye tecavuzınıñ ilk qurbanları Zeytsev, Kokurin, Reşat Ametovnıñ adlarını şimdi kim hatırlar? Elâk olğanlar olmasa, demek, qan da tökülmedi, mabut aqlı! Böyle "halq mantığı"nen davalaşmağa qıyın.

Esası ise, "küçlü rusiye yardımı"nen beraber, ukrainlerniñ şuurından kün-künden yañı tarihnıñ eki vaqiasınıñ - Qırım zaptı ve Donbass cenkiniñ başlanması - sebep-netice alâqası yoq etile. Ve cenk - Qırım ilhaqınıñ dos-doğru aqibeti olğanı, ilhaq ise - bu deşetli cenkniñ esas ve, belki de, yekâne sebebi olğanı unuttırıla.

Ukrainlerniñ şuurından kün-künden yañı tarihnıñ eki vaqiasınıñ - Qırım zaptı ve Donbass cenkiniñ başlanması - sebep-netice alâqası yoq etile

Böylece, öz közlerinen kerçekni körgen adamlarnıñ tarafından aydın ve bir manalı olaraq qabul etilgen daa yaqında olıp keçken vaqialar, yaslar içün nasırdır yarı unutılğan tarihiy fakt olıp qala, qaysını, tahtağa çağırsalar, ad-tarihlerni şaşmalap, belki de üçke aytır. Tarih dersinde Avropa begenip qabul etken Avstriya anşlüsi ve onıñ Ekinci Cian cenki sıfatında aqibetleri aqqında kitap bölüginiñ aytıp bermesi kibi. İşte, tafsilâtlarını bilmege tırışmasañ, aytıp bermege qıyın degil. Eñ esası, derste hulâsalar çıqarmağ talebelerniñ mecburiyeti yoq.

За Крым погибло уже 13 000 граждан Украины. Именно за Крым, что война на Донбассе началась именно в Крыму, 26 февраля 2014 года

Amma büyük, lâkin lâqayt vatandaşlarımız içün Maydan da, Qırım işğali de, Donbass cenki de, olarnıñ Ukrainağa ve öz qıntavlı yaşayışına munasebetiniñ Gamlet sualleri degil edi. Şimdi ise, er künlük problemalar aqıl-diqqatımıznı qaplağanda, er şeyge yol açqan adiseler, hayalımızdan ğayıp ola, toz-duman olıp qala. Ğaliba, yaqın vaqıtta, namuslı cemiyette "Qırım kimniñ?" sualine, "Bilesizmi, efendim..."nen başlağan qaçamaqlı cevap bermege lâyıq körünecek.

Bu, elbette ki, istiza (ironiya), amma bu istizada ayat kerçeklikleriniñ damı duyula.

Onıñ içün, ukrainlerniñ qanınen qanlanğan sade ve aydın aqiqatlarnı özümiz de aqlımızda tutmalımız, başqalarğa da hatırlatmalımız.

Qırım - bizim!

Ve Qırım içün Ukrainanıñ 13 000-den ziyade adamı endi elâk oldı.

Çünki Donbass cenki Qırımda başlandı, 2014 senesi, fevral 26-sında.

Noqta.

Maksim Kobza, qırımlı

«Bloglar» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün

2014 senesi Qırım ilhaq etilgen soñ Qırımnıñ vatandaş cemiyeti Rusiye akimiyeti tarafından yoq etildi. Vatandaş cemiyetiniñ bir çoq lideri esas Ukrainağa ketmege mecbur oldı, aks alda Qırım içün sıq olğan azatlıqtan marum qaluv ya da hırsızlavğa oğramaları mümkün edi.

Amma vaqıt keçe edi. Rusiye akimiyeti olarğa kontrol etilecek bir «vatandaş cemiyeti» kerek olğanını añlap, çeşit milliy-medeniy muhtariyetlerni ve akimiyetke qoltutqan cemaat teşkilâtlarını qurmağa başladı, böylece, 2014 senesi vatandaş cemiyeti yerinde şekillengen boşluqnı toldurğan kibi oldı. Bu yañı «vatandaş cemiyetiniñ» vekilleri sadıq hızmetçi oldı, halqnıñ degil, akimiyetniñ. Olar saibiniñ qaravul köpekleri kibi Qırımda farqlı fikirlerni ve mustaqil vatandaş teşebbüsini özleri bastırmağa azır.

Şimdi olarnı halqara meydançıqlarğa çıqarıp başladılar: de BM, de OSCE, olar israrlı olmağa tırışıp, «Rusiyege ait Qırımda» insanlar ne qadar yahşı ve serbest yaşağanını tarif etti. Amma laf söz serbestligi, demokratiya, halqara uquq normaları ve umumen azatlıq kerek olmağanlar aqqında ketkenini bildirmege unutalar.

Rusiye akimiyetiniñ yapqanlarına qoltutmağan, Ukrainanıñ topraq bütünligi aqqını ürmet etken, insan aqları ve serbestligi boş ses degil de, normal bir şey olğanına inanğanlar ise Qırımda raat yaşap olamay. Rusiye akimiyeti öz «vatandaş cemiyetini» desteklese, bu insanlarnı ura.

Rusiye akimiyeti öz «vatandaş cemiyetini» desteklese, bu insanlarnı ura

O, yavaş-yavaş, amma doğru kete – Qırımnıñ vatandaş cemiyeti. «Qırım birdemligi» cemiyetiniñ birinci körüşüvlerini hatırlayım, daa çekine ediler, amma ğururnen kete ediler. Şimdi ise «Qırım birdemligi» çeşit seviyelerde yanğıramaqta – «Qırım marafonı» içün para cezaları toplanğan eñ küçük Qırım köyünden başlap, faaller Qırımdaki repressiyalar aqqında tarif etken büyük halqara qurulışlarnıñ meydançıqlarına qadar. Bu fidan qaviy oldı, ve istilâcınıñ çızması onı bastırıp olamadı.

«Qırım birdemligi» esasen Qırımda insan aqlarını qoruvnen oğraşsa, endi söz serbestligi, Qırımnıñ medeniy mirası ve ekologiyasını qoruv kibi keniş suallernen oğraşqan yañı birleşmeler bar. Misal olaraq, «Serbest Qırım» birleşmesi.

İlhaq şaraitlerinde bile – azatlıq içün küreşmek kerek ve mümkün

Repressiyalarğa baqmadan, Ukrain medeniyet merkezi çalışmağa devam ete. Onıñ faalleri körüşe, medeniy tedbirlerni keçire. Bu ukrain ve, eñ esası, samimiy añlavnıñ yarığı parlaq olmasa da, sahte ukrain ve Qırımnıñ Rusiye akimiyeti tarafından ukrain tedbirlerine sevgini taqlit etken teşkilâtlarından şekillendirilgen qaranlıqta yahşı körüne.

Qırımnıñ sahte ukrain cemiyeti Rusiye bücetinden büyük para ala, ama-aman kimse oqumağan media resursını meydanğa ketirdi. Qırımda teşkilâtnıñ faaliyeti aqqında bu sebepten kimse bilmeydir. Kerçek Ukrain medeniyet merkeziniñ faalleri ise issesini qoşıp, çalışıp, manialarğa baqmadan, areket etmege ve inkişaf etmege devam ete. Qırım vatandaş cemiyetiniñ yañı doğğan daa çoq ocağını aytmaq mümkün, amma esası şu ki, ilhaq şaraitlerinde ve başqa fikirler bastırılğanda – azatlıq, aq, insan itibarı, ve eñ esası – Qırımnıñ serbest kelecegi içün küreşmek kerek ve mümkün.

Zarema Seitablayeva, qırımlı, bloger (müellifniñ adı ve soyadı telükesizlik maqsadınen deñiştirildi)

«Bloglar» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün

Daa yüklemek

XS
SM
MD
LG