Link açıqlığı

Saatnıñ esas haberi

BLOGLAR

Rusiyede keçken geceni aks etken fotoresimlerni baqıp çıqtım. Qomşu memleketniñ vatandaşları onı nevbetlerde keçirdiler: eski fiyatlar boyunca neni almağa mümkün olsa, bir şeyni qaldırmaylar: tehnika, gacetler, urba, mahsulat. Tünevin Rusiyede Qara Cumaaqşamı fonunda Büyük Alış-veriş gecesi keçti.

Nevbetlerniñ ucu-bucağı yoq. İnsanlarnıñ yüzleri sıtıq, tüşüncelerge dalğanlar. Tükânlarda bazı beştahtalar boş.

Mında aqiqiy bir «dejavü» duyğusını is ettim: bunı biz endi körgen edik. Yoq, 90-ncı seneleri degil. Qırımda, 2014 senesi baar ayında.

Anda da müthiş nevbetler bar edi. Anda da boş raflar bar edi. Anda da insanlar bir kün alıp, aqçasız qaldılar. Bazıları evlerinden bile marum qaldı. Rusiye özüne Qırımnı qoşmağa istegen edi. Yapıp oldı: Qırım tez-tez Moskva ve Sankt-Peterburgğa barıp çıqtı. Qırım olarğa bütün öz nevbetleri, boş rafları ve sıtıq çırayları ile birlikte kirdi.

Endi ileride ne olacağını bilem.

Moskva soqaqlarında «halq imayesi»ni bekleñiz. Neva yalısında kazaklarnı bekleñiz. Qalabalıqta yürgen ve közlerine ilişken er şeyge atılğan qartlarnı bekleñiz.

Bekle ve dua etiñiz. Çünki nevbette – blokpostları, alan komandanları ve qıynav mağazları ile «DHC».

Eiyisi, qaçıp ketiñiz.

Lesâ Primorskaya, qırımlı

«Fikir» rubrikasında bildirilgen tüşünceler müelliflerniñ noqtaiy nazarını aks ettirip, muarririyetnen aynı olmaması mümkün

Vladimir Bekiş, bloger

Bir kimse iç bir zaman Rusiyeni boysundıramadı. «... Olar bizni boysundıracaq olalar. Bizim yardımımıznen kendi problemlerini çezecek olalar, bizge tesir etecek olalar. Tarihta iç bir vaqıt bir kimse Rusiyege nisbeten bunı yapamadı, ve yapamaz». Bunı yaqınlarda prezidentimiz V.V.Putin ayttı. Bütünrusiye halq frontu ile körüşüvde. Ve bu ter-temiz kerçektir. Tarihnı aldatamazsıñ.

XIX asırda frenkler Rusiyege kirip, onı boysundıracaq oldılar. Neticede Rusiye Frenkistannı yıqtırdı. Kazaklar ise Parijde yürüş keçirdiler. Bugünde-bugün Frenkistannıñ iqtisadiyat, tasil, tibbiyet inkişafı ğalebe qazanğan Rusiyege köre daa yüksek seviyededir. Frenkler ise rusiyelilerden daa yahşı yaşaylar.

1939 senesi finliler Sovet Sotsialistik Cumhuriyetler Birligi ve Finlândiya arasında cenkni başlatalar. Bu cenkte de Sovetler birligi Finlândiyanı yeñe. Ve onıñ bazı topraqlarını bile özüne ala. Bugünde-bugün Finlândiyanıñ iqtisadiyat, sağlıq saqlav, içtimaiy qoruv inkişafı ğalebe qazanğan Rusiyege köre (o zamanlarnıñ Sovetler birligi) daa yüksek seviyededir. Finliler ise rusiyelilerden daa yahşı yaşaylar.

1941 senesi Almaniya Sovetlerge qarşı cenkni başlattı. Sovetler birligine ücüm etip, onı yoq etecek oldı. Neticede Almaniya yutturdı. Ve Sovetler birligi onıñ bazı topraqlarını bile aldı. Bugünde bugün Almaniyanıñ iqtisadiyat ve bir sıra diger saalardaki inkişafı ğalebe qazanğan Rusiyege köre daa yüksek seviyededir. Alman ise, yañılmasam, rusiyeliden daa yahşı yaşay.

1945 senesi Sovetler birligi özü Yaponiyağa cenkni ilân etip, onıñ Kvantun ordusını dağıttı. Yaponiya Sovetler birligi ve onıñ ittifaqdaşlarına yutturdı. Sovetler birligi ise onıñ bazı topraqlarını bile özüne aldı. Bugünde-bugün Yaponiyanıñ iqtisadiyat, semereli tibbiyet ve diger saalardaki inkişafı ğalebe qazanğan Rusiyege köre (o zamanlarnıñ Sovetler birligi) daa yüksek seviyededir. Yapon ise rusiyeliden daa yahşı ve uzun ömür yaşay...

2014 senesi Ukraina Rusiye ile qavğa etti. Rusiye ise sabır etmeyip, eski rusiyeli, lâkin Ukrainağa ediye etilgen Qırımnı özüne qaytardı. Ve «Novorossiya» sözüni kirsetti. Ve Ukraina ile cenk zıddiyetine benzegen vaziyette buluna...

Meraqlısı şu ki, yaqın zamanda Rusiye ve rusiyeliler buña nasıl baqacaqlar?... Em de Ukraina. Belki de, bütün uruşlarda ğalip çıqmamaq kerek? İç olmasa bir kere yutuqsız olmasına razı olmaq...

Vladimir Bekiş, strategik havfsızlıq eksperti

«Fikir» rubrikasında bildirilgen tüşünceler müelliflerniñ noqtaiy nazarını aks ettirip, muarririyetnen aynı olmaması mümkün

Daa yüklemek

XS
SM
MD
LG