Zelenskıy: «Qorantamıznıñ sofrası başında Donetsk, Lugansk ve Qırım yetişmey» (video)

Bazarertesi künü, avgustnıñ 24-nde, Ukraina prezidenti Volodımır Zelenskıy Sofiyska meydanında Ukraina mustaqillik künü munasebetinen keçirilgen tedbirlerde çıqışta bulundı. Zelenskıy, Ukrainağa işğal etilgen Qırımğa yetmey, dep bildirdi. «Ne yazıq ki, bugün qorantamıznıñ sofrası başında Donetsk, Lugansk ve Qırım yetmey. Kün kelsin ve qaytsınlar dep, elimizden kelgenini yapamız. Tanımağan memleketke qaytacaqlar. Onı bugün beraber quramız. Uruşsız topraqnı ediye etkenler vatanperverlik derslerini degil, şaatlıq berecek memleketni. İnsanlarımız qaytmağa istegen memleketni», – dedi Ukraina prezidenti. Zelenskıy işğal etilgen Qırımda ve qomşu Rusiyede, «DNR» ve «LNR» aydutları kontrol etken topraqlarda tutulğan ukrainalılar aqqında da hatırladı. «Er bir ukrainalı içün küreşemiz», – dep bildirdi o ve «Ukraina öz adamlarını qaldırmay», dep qoştı.