Rusiye kontrolindeki Aqmescitniñ Kiyev rayon mahkemesiniñ qadısı Mihail Belousov sentâbrniñ 16-nda Qırımtatar Milliy Qurultayınıñ Merkeziy saylav komissiyasınıñ yolbaşçısı, faal Zair Smedlânı «yüksek seviyeli azırlıq rejiminiñ sıñırlavlarını bozğanında» qabaatlap, oña azamiy ceza berdi – 30 biñ ruble para cezası. Faal sentâbrniñ 4-nde Aqmescitteki Rusiye FSBsiniñ binası ögünde tutulğanlar arasında edi, dep bildire Qırım.Aqiqat mühbiri. Zair Smedlâ oturışuvdan soñ bildirgenine köre, onı kimse tutmadı – o, Rusiye quvetçileriniñ semetdeşlerini avtobusqa mindirgenini körip, «olarğa qoltutmaq içün özü anda ketti». Onıñ malümatına köre, qadı bu memuriy davanıñ şaatlarını ve memuriy protokol tizgen polis hadimini mahkemege çağırmağa razı olmadı. Ukraina akimiyeti qırımtatar faalleriniñ tutuluvı ve apiske alınuvını avgustnıñ 23-nde Kyivde keçirilgen «Qırım platformasınıñ» sammitinen bağlay. Ukraina ombudsmanı Lüdmila Denisova Qırımda insanlarnıñ apiske alınması sebebinden BM İnsan aqları Yuqarı komissarı Michelle Bacheletke muracaat etti.
«Yapmağanlarımnı itiraf etmedim» – qırımtatar faali Zair Smedlâ Aqmescitteki mahkemeniñ qararı aqqında (video)
Rusiye kontrolindeki Aqmescitniñ Kiyev rayon mahkemesiniñ qadısı Mihail Belousov sentâbrniñ 16-nda Qırımtatar Milliy Qurultayınıñ Merkeziy saylav komissiyasınıñ yolbaşçısı, faal Zair Smedlânı «yüksek seviyeli azırlıq rejiminiñ sıñırlavlarını bozğanında» qabaatlap, oña azamiy ceza berdi – 30 biñ ruble para cezası. Faal sentâbrniñ 4-nde Aqmescitteki Rusiye FSBsiniñ binası ögünde tutulğanlar arasında edi, dep bildire Qırım.Aqiqat mühbiri. Zair Smedlâ oturışuvdan soñ bildirgenine köre, onı kimse tutmadı – o, Rusiye quvetçileriniñ semetdeşlerini avtobusqa mindirgenini körip, «olarğa qoltutmaq içün özü anda ketti». Onıñ malümatına köre, qadı bu memuriy davanıñ şaatlarını ve memuriy protokol tizgen polis hadimini mahkemege çağırmağa razı olmadı. Ukraina akimiyeti qırımtatar faalleriniñ tutuluvı ve apiske alınuvını avgustnıñ 23-nde Kyivde keçirilgen «Qırım platformasınıñ» sammitinen bağlay. Ukraina ombudsmanı Lüdmila Denisova Qırımda insanlarnıñ apiske alınması sebebinden BM İnsan aqları Yuqarı komissarı Michelle Bacheletke muracaat etti.