Link açıqlığı

Moskvada faaliyetçiler Qırımda keçingen Veciye Kaşkanıñ hatırasına bağışlanğan tedbirge çıqtılar (video)


Noyabrniñ 23-nde ilhaq etilgen Qırımda vefat etken qırımtatar milliy areketi veteranı Veciye Kaşkanıñ hatırasında Moskvada noyabrniñ 30-nda bir kişilik piketler keçirildi. Rusiye muhalefet faaliyetçileri er aynıñ 30-ncı künü «Strategiya-30» tedbiri çerçivesinde «Siyasiy mabüs künü»ni keçirip, olarnı azat etüv, Ukrainağa qarşı tecavüzni toqtatuv ve Qırımnıñ işğalini lâğu etüv talaplarınen barışıq piketler ve tedbirlerge çıqalar. Ondan ğayrı tedbirniñ iştirakçileri Qırım sakini olğan jurnalist Nikolay Semena ile rusiyeli şair Aleksandr Bıvşevnı añdılar. Noyabrniñ 23-nde Rusiye telükesizlik hadimleri Aqmescitte bir grup qırımtatar faaliyetçilerini yaqalağanda 83 yaşlı Veciye Kaşka yaramadı. Onı «acele yardım» alıp ketti, lâkin daa soñra qadınnıñ keçingeni aqqında haber alındı. (Konstantin Tıçinanıñ videosı).

XS
SM
MD
LG