Link açıqlığı

Paralamovnıñ soy-sopları onı qaçırğanlardan birini tanığanlar (video)


Aqmescitte sentâbrniñ 15-de qırımlı Renat Paralamovnıñ soy-sopları onı qaçırğanlardan birini FSB binası yanında tanığanlar. Advokat Emil Kürbedinov bu insandan özüni tanıtmasını talap etti, lâkin cevap alamadı. Renat Paralamov sentâbrniñ 14-de Aqmescit avtovokzalında azap izleri ile tapıldı. O, sentâbrniñ 13-de belgisiz insanlar tarafından qaçırılıp, belli olmağan yerge alıp ketirildi. Rusiye küç idareleri vaziyetni izaatlamay. Qırım Rusiye nezaretine keçken soñ FSB yarımadada muntazam surette tintüvler keçire, jurnalist, faal, cemaat erbaplarını sorğulay, qırımtatar vatandaşları tutup ala. Uquq qorçalayıcılar bunı «farqlı tüşüngenlerge qarşı küreş» dep tanıy.

XS
SM
MD
LG