Bağçasaraylı hayalperest Üsein Bodaninskiy | Tuğra (video)
1917 senesi noyabrniñ 3-nde Bağçasaraydaki Hanlar sarayınıñ milliy müzeyi tantanalı sürette açıldı. Onıñ temelcisi ve müdiri Üsein Bodaninskiy oldı – ressam, qavmiyatçı, tarihçı ve sanatşınas. Qırımtatar tili ve edebiyatı ocasınıñ qorantasında doğğan, zenaat boyunca ressam-dekorator olğan Bodaninskiy Bağçasaraydan açıq semada müzey şeerini yapmağa arz etken edi. Onıñ teşebbüsleri sayesinde Bağçasaraydaki binalarnı devlet qorup başladı. Üsein Bodaninskiyniñ ayatı aqqında yañı Tuğra videoblogunda tafsilâtlıca ikâye etile.