Noyabrniñ 20-nde Aqmescitte Rusiye quvetçileri terrorizmge qarşı talimler keçirecek. Rusiye kontrolindeki şeer memuriyetiniñ bildirgenine köre, böyleliknen operativ hızmetler terror telükesi yoq etilmesine azırlıqnı teşkerecekler.
"Noyabrniñ 20-nde saat 10-dan 14-ke qadar 28-nci "Lujok" bala bağçası rayonında terrorizmge qarşı tedbirler keçirilecek. Tedbir çerçivesinde operativ hızmetlerniñ terroristik telükesi yoq etilmesine azırlığı teşkerilecek", — dep aytıla beyanatta.
Bundan evel Qırımtatar resurs merkezi bildirdi ki, Qırımda 2024 senesi yanvar ayından sentâbr ayına qadar Rusiye orduları ve quvetçileri 99 arbiy talim keçirdi.
Sentâbrniñ 18-nde Qırımnıñ Rusiye yolbaşçısı Sergey Aksönov öz telegram kanalında yarımadada "territorial mudafaa bölükleriniñ büyük talimleri" keçirilgenini bildirdi, ve bu talimler sentâbrniñ 17-nde başlağanını qayd etti. Qırımdaki Rusiye talimleriniñ faal basamağı sentâbrniñ 26-nda başlandı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
