Link açıqlığı

Saatnıñ esas haberi

«Razı degilmiz»: tutulğan qırımtatarlarnıñ qorantaları nasıl yaşay (video)


«Razı degilmiz»: tutulğan qırımtatarlarnıñ qorantaları nasıl yaşay (video)
Bekleñiz, lütfen

No media source currently available

0:00 0:03:07 0:00

Bir ay evelsi yedi qırımtatarınıñ evi tintildi. Rusiye FSBsi, «Qırım sakinleri arasında terror mefküresini tarqatqan, qırımlı musulmanlarnı öz saflarına celp etken» «Hizb ut-Tahrir» bölügini qurğanından ve iştirak etkeninden şübheli sayılğanlarnı tuttı, dep bildirdi. Tutulğanlardan biri Seyran Hayretdinov bu qabaatlavlarnı red ete ve olarnı boş saya. Hayretdinovnıñ Aqtaş (Belokamenka) köyünde ana-babası, ömür arqadaşı ve küçük balaları qaldı. Tutulğan daa bir kişi – Alim Sufyanov – berber olıp çalıştı. Tizesiniñ aytqanına köre, Sufyanov «bütün Bağçasarayda» eñ yahşı ustazlardan biri edi. Sufyanov tutulğan soñ evde apayı, balası ve ana-babası qalğanlar. Rusiye quvetçileri tutqan qırımtatarlarnıñ qorantaları nasıl ve ne parağa yaşay – Qırım.Aqiqat videosında seyir etiñiz.

«Hizb ut-Tahrir işi» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG