Qırımlı musulman qadınları hicab aqqını qorçalamaqta
Hicab – baştan ayaqqa qadar bedenni qapatqan qadın urbasıdır. Dinge köre, musulman qadınları böyle kiyinmeli. «Hicab» sözü saç, qulaq ve boyunnı qapatqan yavluq manasında sıq-sıq qullanıla. Bet açıq qala. Fevralniñ 1-nde Dünya hicab künü qayd etile – dünyanıñ bir çoq memleketinde populâr olğan bayram. Bu kün munasebetinen Qırım.Aqiqat Ukraina migratsion hızmeti hicabta foto çıqarmağa izin bermegeniniñ sebebini hatırlay, işğal altındaki yarımadada ise qapalı qadınlarğa qarşı sayğısızlıq yapıla. (Levha ilk sefer 2019 senesi fevralniñ 2-nde derc etildi)