Link açıqlığı

Saatnıñ esas haberi

Moskva: ukrainalı deñizcilerniñ apis müddeti oktâbrniñ 24-ne qadar uzatıldı (video)


Moskva: ukrainalı deñizcilerniñ apis müddeti oktâbrniñ 24-ne qadar uzatıldı (video)
Bekleñiz, lütfen

No media source currently available

0:00 0:01:37 0:00

Çarşenbe künü, iyülniñ 17-nde, Moskvanıñ Lefortovo mahkemesi 2018 senesi noyabr ayında Rusiye quvetçileri tarafından zapt etilgen Ukraina Arbiy-deñiz quvetleriniñ eki gruppa arbiyleriniñ apis müddetini uzattı. Oturışuvdan evel deñizciler azat etile bile kibi malümat peyda olğan edi. Böyle bir ihtimal aqqında imayeleri aytqan edi. Ukraina prezidentiniñ ofisi ve ABD devlet departamentiniñ mahsus vekili buña ümüt etken ediler. Amelde ise – Rusiye mahkemesi Denis Gritsenko, Sergey Popov, Bogdan Golovaş, Mihail Vlasük, Andrey Draç, Vâçeslav Zinçenko, Vasiliy Soroka, Andrey Artemenko, Vladimir Varimez, Vladislav Kostışin, Oleg Melniçuk, Sergey Çuliba ve Viktor Bespalçenkonıñ apis qararını deñiştirmedi. Mahkeme daa eki gruppanıñ muracaatlarını baqmalı.

2018 senesi noyabrniñ 25-nde Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi. Rusiyeniñ «Don» sıñır kateri Ukraina Arbiy deñiz quvetleriniñ «Yañı Qapu» reyd buksirine aselet çarptı.

Rusiye FSBsi Ukraina gemilerine qarşı silâ qullanğanını tasdıqladı, mında berilgen malümatqa köre, üç Ukraina cenk gemisi noyabrniñ 25-nde «Rusiye devlet sıñırından qanunsız keçti».

Aqmescit ve Keriç mahkemeleri 24 Ukraina deñizcisini apiske aldı. Olar 2019 senesi yanvarniñ 25-ne qadar apiste qalacaqlar. Ukraina deñizcileri 6 yılğa azatlıqtan marum qala bile. Qırım yalısında zapt etilgen Ukraina deñizcileri noyabrniñ 27-nde Rusiye Ceza kodeksiniñ 322-nci maddesiniñ 3-ünci qısmına istinaden (sıñırdan qanunsız keçiş) qabaatlandı. Esir alınğan Ukraina askerleri Moskvağa avuştırıldı.

Qırım Muhtar Cumhuriyetiniñ prokuraturası Rusiye FSBsi tarafından zapt etilgen ukrain deñiz askerlerini cenk esiri dep tanıdı.

Rusiyeniñ Keriç boğazında yapqanlarını bir sıra Avropa memleketi ve ABD tenqit eteler. NATO, vaziyetni ve Keriç boğazındaki adiselerni diqqatnen közetkenini bildirip, ağır-sabırlı olmağa ve vaziyetniñ daa beterine yol açmamağa çağırdı.

XS
SM
MD
LG