Link açıqlığı

Saatnıñ esas haberi

«Meni qaraman yapmağa kerekmey» – Edem Bekirov azat etilgen soñ (video)


«Meni qaraman yapmağa kerekmey» – Edem Bekirov azat etilgen soñ (video)
Bekleñiz, lütfen
Embed

No media source currently available

0:00 0:05:06 0:00

Qırımtatar faali Edem Bekirov işğal etilgen Qırımda 2018 senesi dekabrniñ 12-nden başlap 2019 senesi avgustnıñ 27-ne qadar apiste tutuldı. Avgustnıñ 27-nde onı SİZOdan çıqarıp, Rusiye FSBsiniñ idaresine, soñra ise Moskvağa alıp kettiler. Bekirov Qırım.Aqiqatnen subetleşip, Qırımdan Moskvağa deñişim içün nasıl alıp ketirilgenini ve Qırım kelecegini nasıl körgenini tarif etti.

Sentâbrniñ 7-nde deñişim çerçivesinde rusiyeliler tutqan 35 ukrainalı Ukrainağa qayttı, Rusiyege Ukrainada çeşit cinayetlerde, şu cümleden Vatanğa hainlik yapqanında qabaatlanğan 35 Rusiye ve Ukraina vatandaşı teslim etildi. Deñişim çerçivesinde Oleg Sentsov, Oleksandr Kolçenko, Volodımır Baluh, Edem Bekirov, Yevğen Panov, Pavlo Ğrıb, Stanislav Klıh, Mıkola Karpük, Roman Suşçenko, Artur Panov, Oleksiy Sızonovıç ve 2018 senesi noyabr ayında zapt etilgen ukrainalı deñizciler azat etildi.

Ukraina prezidenti Volodımır Zelenskıy ukrainalılarnı ava limanında qarşıladı. O, Qırım.Aqiqatqa izaat berip, Rusiyede apiste tutulğan qırımtatar faalleriniñ azat etilüvi Ukraina-Rusiye almaşuvınıñ ekinci basamağı olacaq.

XS
SM
MD
LG