Link açıqlığı

Saatnıñ esas haberi

Lvivdeki aktsiya: «Bütün dünya Qırımda olıp keçkenlerni bilsin isteymiz» (video)


Lvivdeki aktsiya: «Bütün dünya Qırımda olıp keçkenlerni bilsin isteymiz» (video)
Bekleñiz, lütfen
Embed

No media source currently available

0:00 0:01:45 0:00

Qırımnıñ siyasiy mabüslerine qoltutmaq içün keçirilgen «Qırımtatarlarğa birdemlik kösterem» aktsiyası Lvivde Qırımdan köçip kelgenlerni ve yerli sakinlerni birleştirdi. Qırımtatar medeniyet merkezi şeerniñ merkezinde repressiyalarğa oğrağan Qırım sakinleri ve babaları Rusiye akimiyeti tarafından apiske alınğan balalarnıñ fotoresimlerini taqdim etti. Yarımadada böyle balalarnıñ sayısı 167 oldı. Lviv göñüllileri qırımtatar aşlarını pişirmek içün soqaqta aşhane qurdı. Mında el işleri de satıla, kâr etilgen para ise apiske alınğan qırımlılarnıñ balalarına yollanacaq. Martnıñ 27-nde Qırımda qırımtatarlarnıñ, hususan «Qırım birdemligi» cemaat birleşmesiniñ faalleri yaşağan evler tintildi. Neticede 24 insan tutuldı. Remzi Bekirov, Riza İzetov, Ruslan Suleymanov, Farid Bazarov ve Şaban Umerov Rusiye Ceza kodeksiniñ 205.5 maddesiniñ 1-inci qısmına (terror gruppasınıñ faaliyetini teşkil etüv) istinaden qabaatlana. Qalğanları terror teşkilâtınıñ faaliyetinde (Rusiye Ceza kodeksiniñ 205.5 maddesiniñ 2-nci qısmı) iştirak etkeninden şübheli sayıla. Martnıñ 29-nda Qırımnıñ Rusiye ombudsmeni Lüdmila Lubina Qırım.Aqiqatqabildirgenine köre, Qırımda tevqif etilgen 23 qırımtatar faalini Rusiyege alıp ketkenler. «Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG