Ev, muzıka, qoranta: Jamala qırımlı balalarnıñ suallerine cevap bere (video)

Qırımlı Susana Camaladinova yırcı olacağına 9 yaşında qarar berdi. Şimdi 36 yaşında – ve dünya onı Jamala adınen bile. Balalığını hatırlap, o zamanlar onıñ içün müim olğanını ayta. Bütün genç muzıkantlarğa yaş icatta müim olmağanını unutmamağa tevsiye ete. Qırım.Aqiqat Radiosınıñ büyük karantin intervyüsında Jamala qırımlı balalarınıñ seslerini diñlep, olarğa meraqlı olğan şeylerni aytıp berdi. Angi muzıka aletini ögrenmege istey, yañı duetler olacaqmı, Qırımdaki yerlerden angisi oña icat etmek içün ilham bere ve balalarınıñ kelecegini nasıl köre – ciddiy suallerniñ ciddiy cevapları Qırım.Aqiqat videosında.