Link açıqlığı

Saatnıñ esas haberi

«Tuvğan toprağımızda körüşmek üzre». Esir deñizcilerniñ soy-sopları ne ayttı (video)


«Tuvğan toprağımızda körüşmek üzre». Esir deñizcilerniñ soy-sopları ne ayttı (video)
Bekleñiz, lütfen
Embed

No media source currently available

0:00 0:02:42 0:00

Cuma künü, iyülniñ 19-nda, Rusiye zapt etken ukrainalı deñizcilerniñ soyları Moskvadan qayttı. Olar deñizcilerniñ keyfi yerinde ve qaytmağa ümüt eteler, dep tarif etti. Cenk esirleriniñ tuvğanları Moskvada qabul etüv müiti deñişti, soy-soplarğa deñizcilernen laf etmege bile imkân berildi, dep qayd ete. 2018 senesi noyabrniñ 25-nde Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi. Rusiyeniñ «Don» sıñır kateri Ukraina Arbiy deñiz quvetleriniñ «Yañı Qapu» reyd buksirine aselet çarptı. Aqmescit ve Keriç mahkemeleri 24 Ukraina deñizcisini apiske aldı. Ukraina deñizcileri 6 yılğa azatlıqtan marum qala bile. Qırım yalısında zapt etilgen Ukraina deñizcileri noyabrniñ 27-nde Rusiye Ceza kodeksiniñ 322-nci maddesiniñ 3-ünci qısmına istinaden (sıñırdan qanunsız keçiş) qabaatlandı. Esir alınğan Ukraina askerleri Moskvağa avuştırıldı. Qırım Muhtar Cumhuriyetiniñ prokuraturası Rusiye FSBsi tarafından zapt etilgen ukrain deñiz askerlerini cenk esiri dep tanıdı. Moskvanıñ Lefortovo mahkemesi iyülniñ 17-nde bıltır noyabr ayında Qırım yalısında Rusiye tarafından zapt etilgen 24 ukrainalı deñizciniñ apis müddetini oktâbrniñ soñuna qadar uzattı.

XS
SM
MD
LG