Link açıqlığı

Saatnıñ esas haberi

Erdoğan, Ukraina ve Rusiyeni dialog qurmağa çağırdı (video)


Erdoğan, Ukraina ve Rusiyeni dialog qurmağa çağırdı (video)
Bekleñiz, lütfen
Embed

No media source currently available

0:00 0:00:37 0:00

Türkiye prezidenti Recep Tayyip Erdoğan Qara ve Azaq deñizlerinde vaziyet kerginleşmesin dep, Ukraina ve Rusiyeni dialog qurmalarına çağırdı. Bu aqta o, firqasınıñ toplaşuvı vaqtında ayttı. «Rusiye ve Ukrainağa meselelerini dialog yolunen çezmege çağıramız. Dünyada siyasiy, iqtisadiy ve cenk telükeleri bar olğan vaqıtta bu eki memleketni biz yan-yana körmekten memnüniyet duyarmız», – dedi Erdoğan. Noyabrniñ 25-nde Rusiye gemileri Keriç boğazında üç ukrain gemisini ateş açıp zapt etti. Noyabrniñ 26-nda saba Ukraina prezidentiniñ Qırım Muhtar Cumhuriyetindeki daimiy temsilcisi Rusiye kerçekleştirgen ücüm neticesinde 20-den ziyade asker esir alınğanını bildirdi. Qırımdaki Rusiye FSB idaresi bildirgenine köre, Ukrainağa ait üç arbiy gemi «Rusiyeniñ devlet sıñırından qanunsız» keçip, Keriç boğazı yolunda «telükeli areketler» yaptı. Ukraina tarafı ise, aksine, Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi, деп бильдире. Rusiyeniñ «Don» sıñır kateri Ukraina Arbiy deñiz quvetleriniñ «Yañı Qapu» reyd buksirine aselet çarptı. (Video: Reuters)

XS
SM
MD
LG