Link açıqlığı

Saatnıñ esas haberi

«Olar evlerine qaytar, dep ümüt etem». Emil Ziyadinovnıñ mahkemesi nasıl keçti (video)


«Olar evlerine qaytar, dep ümüt etem». Emil Ziyadinovnıñ mahkemesi nasıl keçti (video)
Bekleñiz, lütfen

No media source currently available

0:00 0:01:39 0:00

2020 senesi iyülniñ 7-nde Rusiye quvetçileri yedi qırımtatarınıñ evini tintip, insanlarnı tuttı. İsmet İbragimov, Zekirya Muratov, Vadim Bektemirov, Emil Ziyadinov, Alim Sufyanov, Seyran Hayredinov mahkemede apiske alındı ve Aqmescit tahqiqat izolâtorına qapatıldı. I derece körüv saqatlığı olğan Aleksandr Sizikov ev apsine yollanıldı. Tutulğanlar Rusiyede yasaqlanğan «Hizb ut-Tahrir» teşkilâtına alâqaları bar olğanında qabaatlandı. Noyabrniñ 8-nde Emil Ziyadinovnıñ mahkemesi oldı. Nasıl oldı – videoda baqıñız.

«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG