«Bizni çaypadılar sanki». Apiske alınğan qırımtatarlarnıñ tuvğanları – ümüt ve adalet aqqında (video)

İyünniñ 10-nda Aluşta ve Qarasuvbazar «Hizb ut-Tahrir davaları» boyunca qırımlılarnıñ tutulmasına bir yıl tola. Bir yıl evelsi evlerine Rusiye quvetçileri tintüv keçirmek içün sürip kirdi, aqayları, qardaşları ve babaları tutuldı. 205.5 maddesine (terror teşkilâtınıñ faaliyetini teşkil etüv ya da iştirak etüv) istinaden cinaiy davalar açıldı. 2020 senesi iyünniñ 1-nde Aluştadaki «dava» mabüsleri Qırımdan Rusiyeniñ Rostov-na-Donudaki SİZO-1-ge avuştırıldı. Mabüslerniñ apayları, qız qardaşları ve balaları bu yıl nasıl keçkenini tarif ete. «Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti. (Video: Qırım birdemligi)