Do lâ: bestekâr Fikret Saledinovnıñ keçmişi ve kelecegi (video)
Bu video qırımtatar bestekârı Fikret Saledinov aqqında ikâye ete. Bostanda çalışıp, Novooleksiyıvkanıñ muzıka mektebinde ders berip ve toylarda para qazanıp, o, gecelernen kemane ve simfonik orkestr içün eserler yazdı. Bugünde-bugün onıñ 400-den çoq işi belli. Çalğıcınıñ torunı, 14 yaşında Rustem Emiratli qartbabasını hatırlamay, amma dünyaca belli kemaneci olmaqta qararlı. O, qırımtatarlar tek toy çalğıcıları ola bile kibi yañlış fikirnen küreşip, konservatoriyağa kirmege niyetlene.