Link açıqlığı

Saatnıñ esas haberi

«Bütün Qırım – büyük Fevral 26 davası» – Qırımnıñ içtimaiy ağlarından


«Fevral 26 davasınıñ» mabüsleri Ali Asanov ve Mustafa Degermenci apishaneden çıqarıldı ve eki ay devam etecek ev apisine yiberildi. Kreml nezaretindeki Aqmescitteki mahkemeniñ bu qararı internet cemaatını quvandırdı ve aynı zamanda taaciplendirdi.

Eskender Bariiev

...Eñ esası yaqınlarnıñ yanındalar: ana-baba, ömür arqadaşı ve balalar. Bu siyasiy davanı alıp barğan advokatlar sağ olsun; ne qadar dert körgenlerini özleri bilip, başlarını egmegen yaqınları, ana-babaları, ömür arqadaşı, balaları sağ olsun; ailelerge ruhiy ve maddiy yardım bergen, mahkemelerge qatnağan vatandaşlarımız sağ olsın; arqadaşlarımız tez vaqıtta azat olmaları içün faal surette iş alıp barğan uquq qorçalayıcılar ve, elbette, qırımtatar halqınıñ namus ve azatperverligini saqlağan, başlarını egmegen arqadaşlarımız Ali ve Mustafa sağ olsunlar.

Таtyana Moskalenkо

...Muvaqqat apiste 2 yıl!!! Sadece satmağanları içün, qorqutuvlarğa baqmadan, insan olıp qalğanları içün. Amma olar daa azatlıqta degiller, ögde daa mahkemeler olacaq, eñ azından olar yaqınları ve balaları yanındalar.

İlmi Umerov

Güzel haber... pek siyrek ola...

İzaatlağanlarnıñ bir çoqları olğanına zornen inandılar. Bazılarınıñ aqılına hayırsız fikirler keldi.

Ayshe Umerova

...Asıl da, tünevin olar ev apisine yiberilgenleri aqqında haber alğan soñ, buna işanıp olamay edim – yahşı haberler o qadar siyrek ola ki, olarğa tap inanamaysın. O anlerde arqadaşlar ve aileleri ne iss etkenlerini men asıl taqmin etip olamam bile...

...Mahkemeler, elbet, devam etecek, amma bu ikâyeniñ güzel soñu olacağına ümüt qaviyleşti. Arqadaşlar ise şimdi özlerine kelmek kerekler, başta bir sağlıq taraftan. Amma eñ esası – boysınmağan qaramanlarımız niayet EVDELER, qalğanı ise, boyle desteknen, mıtlaq yerinde olur. Halqımıznıñ tarihına olar öz adlarını ebediylikke qaldırdılar!

Maria Tomak

Beklenilmegen... bunda bir şey bardır, işğalci akimiyetniñ iyi niyetlerine işanmayım

Emine Dzheppar

Fevral 26 davası – işğalciniñ siyasiy azaplarından birincilerden. Bu parlament yanında fevral 26 künü keçirilgen Ukraina tarafdarlarınıñ mitingine qarşılıq, razı olamağanları ve qarşılıq köstergenleri içün ahtıman...

Bazı bir tüşünem ki, şimdi bütün Qırım – bu büyük fevral 26 davası: aqılsız, hain, yalancı bir iş ve qafeste sesini çıqarmaq imkânı olmağan, azatlıqtan marum qalğan aman aman eki million mabusı olğan dava.

Decermenci ve Asanovnıñ azat olunmasınıñ sevinci şu künü yañı tutuvlarnen örtüldi. Aprel 6 künü saba Aqmescitniñ merkeziy bazarını Rusiyeli silâlı quvetler sarıp aldı. Anda olar onlarce «sıfatından slav olmağan» adalarnı tuttı, olardan qırımtatarlarnıñ sayısı az degil edi.

Refat Çubarov

Ekinci Dünya cenki vaqıtında Qırım almanlar tarafından işğal etilgeni zamanğa beñzey. Olar da bazarlarnı basıp almağa begene ediler...

MinPand

Terroristlerni yeñeler, nesi añlaşımay

XS
SM
MD
LG