Link açıqlığı

Saatnıñ esas haberi

«Şaatnıñ adiy idamı»: Denis Voronenkonıñ öldürilmesi aqqında malümat


Devlet Dumasınıñ sabıq deputatı Denis Voronenkovnıñ öldürülgen yeri. Kyiv, 23 mart 2017 senesi
Devlet Dumasınıñ sabıq deputatı Denis Voronenkovnıñ öldürülgen yeri. Kyiv, 23 mart 2017 senesi

Kyivniñ merkezinde Rusiye Devlet Dumasınıñ sabıq deputatı Denis Voronenkov öldürildi – bu haberini Kyiv politsiya yolbaşçısı Andriy Krişçenko tasdiqladı. Atış Premier Palace oteli yanında oldı, Voronenkonıñ qoruyıcısı ve ücüm etken adam hastahanege ketirildiler. Vaqia yüz bergen yerde politsiya çalışa. Taqiqat sımarış ile yapılğan öldürüvni taqiq ete. Kiyevte yaşağan daa bir sabıq Rusiyeli deputat İlya Ponomaröv, Voronenko onnen körüşmege ketkende öldürilgenini bildirdi.

Denis Voronenkovnıñ öldürülgen yeri. Kyiv, 23 mart 2017 senesi
Denis Voronenkovnıñ öldürülgen yeri. Kyiv, 23 mart 2017 senesi

Atış Kiyevniñ merkezinde, Şevçenko bulvarı ve Puşkinska soqaşı köşesinde yerleşken «Premier Palace» müsafirhanesi yanında oldı. İnternette öldürüvden soñ birinci daqqalarınıñ videosı yerleştirildi. Farqlı malümatlarğa köre, Voronenkovağa 2 ya da 7 kere qadar qurşun attılar.

Kutleviy haber vastalarınıñ haber etkenlerine köre, öldürüvden soñ Denis Voronenkovnıñ apayı Mariya Maksakova qoruyıcılarınen beraber «Premier Palace» otelinden çıqtı ve belli olmağan tarafqa yol aldı.​

Mariya Maksakova, aqayınıñ cesedini tanımaqtan ögüne. Kyiv,23 mart 2017 senesi
Mariya Maksakova, aqayınıñ cesedini tanımaqtan ögüne. Kyiv,23 mart 2017 senesi

Ukraina Milliy politsiya yolbaşçısınıñ muavini Aleksandr Vakulenko, Voronenko öldürilmesi artında «Rusiye tura» dep ayttı, çünki sabıq deputat «muim malümat bile edi».

Şaatlarnıñ sözlerine esaslanğan birinci versiyağa köre, cinayetçi qoruyıcısı yanında olğan Voronenkovğa pek yaqınlaşıp oña ateş açtı. Atış devamında ücüm etkenniñ özü de, sabıq deputatnıñ bekçisi de yaralandılar. Ekisi de şimdi hastahanede UTH mahsus bölüginiñ qoruması aldında bulunalar.

Ukraina İİN Yolbaşçısınıñ mesleatçısı Zorân Şkirâk, Voronenkov Rusiye mahsus hızmetleri tarafından yoq etildi. «Bu, Ukrainağa qarşı Rusiyeniñ diversiya ve provokatsiyalarını açıqlağan müim malümat bergen, ondan da ğayrı qaçqan sabıq prezident Viktor Yanukoviç idaresi deviri ve onıñ Rusiyeli lider Vladimir Putinnen olğan bağı aqqında bilgi bergen insanğa qarşı Rusiye yobaşçılarınıñ emirinen kesilgen ceza, kösterüv içün utanmazca yapılğan ahtıman kibi körüne», – dedi Şkirâk.

Denis Voronenkovnıñ öldürülgen yeri. Kyiv, 23 mart 2017 senesi
Denis Voronenkovnıñ öldürülgen yeri. Kyiv, 23 mart 2017 senesi

Devlet Dumasınıñ sabıq deputatı, vatanında taqiq etlmesinden qorqıp, 2016 senesi oktâbr ayında Ukrainağa köçti. Voronenkovnıñ sözlerine köre, dekabrde o Ukraina vatandaşlığını aldı. Fevral 15 künü Rusiye Taqiqat komiteti onı federal qıdıruvığa ilân ettiler.

Yanvarda Voronenko, devlet hainliginde qabaatlanğan sabıq prezident Viktor Yanukoviçke qarşı Ukraina Baş prokuraturasına ifade bergenini tasdiqladı. Ukrainağa köçken soñ bergen intervyülarında Voronenko, Qırım işğaline qarşı çıqqañıñı ve Rusiye akimiyetini tenqid etkeni aqqında ayta edi.

Martnıñ başında Moskvanıñ Basman mahkemesi Denis Voronenkovnı ğıyabiy şekilde eki ayğa apis etti. Bundan evel Rusiye Taqiqat komiteti Ukrainağa köçken Voronenkovnı, dolandırıcılıqta qabaatlap, haqara qıdıruvğa ilân etken edi. Onı, 2011 senesi Moskva merkezinde 5 million dollar fiyatında binanıñ küçnen zapt etilmesinde, yani büyük dolandırıcılıqta qabaatlaylar.

Kiyevte yaşağan daa bir sabıq Rusiyeli deputat İlya Ponomaröv, Voronenko onnen körüşmek içüm ketkende öldürilgenini beyan etti. Onıñ sözlerine köre, alazırda Ponomaröv «Ukraina uquq qoruyıcı organlarınen beraber çalışa».

Ukrainağa köçken soñ Denis Voronenko, Radio Svobodanıñ Kyivdeki muhbiri Christopher Miller ile qonuşqan edi. O Moskvadan «FSB-niñ basqılarından qaçmaq içün» ketkenini tarif etti. Onıñ apayı, yırcı Mariya Maksakova, ömür arqadaşınen olar «delirgen rusiyeli ziyalılardan bezgenlerini» ve «kütleviy qorqu sisteması olğan» devlette yaşamağa istemegenlerini aytqan edi.

Voronenkovnıñ sözlerine köre, Kyivde o özüni «az olsa da telükesizlikte» iss ete edi.

Fevral 21 künü Denis Voronenkov «Nastoyaşeye Vremâ» («Şimdiki Zaman») telekanalnıñ alıp barıcısı Timur Olevskiynen subetleşkende, Ukrainağa ne sebepten qaçqanını añlattı. Voronenkovnıñ sözlerine köre, onıñ elinde Rusiyeli memurlarğa qarşı deliler yoq edi ve onıñ böyle bir açıqlama yapmaq niyeti olmadı, Ukraina prokuraturasında Viktor Yanukoviçke qarşı bergen ifadesinde ise o «er kezge malüm olğan faktlarnı» seslendirdi.

Ukraina Baş prokurorı Yüriy Lutsenko da Denis Voronenkonıñ öldürilmesini Rusiyenen bağlay. Öz Facebookında o: «Bu – Rusiye içün şaatnıñ adiy idamıdır», – dep yazdı.

Rusiye prezidenti Vladimir Putinnıñ matbuat kâtibi Dmitriy Peskov Voronenkonıñ öldürilmesini izaatlamağa red etti. «Dojd» telekanalnıñ jurnalisti ile subetleşkende o: «Bu bizim mevzumız degil», – dedi.

XS
SM
MD
LG