Link açıqlığı

Saatnıñ esas haberi

Qırımtatarlar daa beterini beklesinmi?


Bağçasaray, 2016 senesi mayıs 18 künü
Bağçasaray, 2016 senesi mayıs 18 künü

Qırımda olıp keçken soñki adiselerden soñ bir şey deñişkeni is etile. Yañı rejim Qırımda qırımtatarlarğa qarşı repressiyalarında ileri ketmege azırlanğanınen bağlı qorquzğan ve canını sıqqan bir duyğu peyda oldı.

Qırımtatarlarnıñ qaçırılması, Meclis liderlerine basqı, «Hizb ut-Tahrir» işi çerçivesinde apis cezaları artıq eñ deşetli şey degil. Qırımtatarlar arasında sürgünlik lafları bar. Böyle laflar 2014 senesi baarindeki adiselerden soñ peyda olğan edi, soñra biraz tınçlandı. Şimdi kene başladı...

Yañı rejim bile, qırımtatarlarnıñ büyük qısmı Ukrainağa sadıq qala ve bunı gizlemey. Bir sıra reklama yapılğan Rusiyege qoltutqan «Qırım» areketi öyle de büyük olamadı. Olar Rusiye devlet organlarında çalışqan qırımtatarlarnı qazandılar, olar da «Qırım» toplaşuvlarına mecburen keleler. Areketniñ lideri Remzi İlyasov özü de cemaat teşkilâtını inkişaf ettirmey. Adamlar ayta, qırımtatar toylarına az davet etile, çünki bir çoq musafir onı körip aylanıp kete. Yañı rejimde alğan yeri içün böyle bir şeyge rastkeldi.

Tatarlarnı Qırımdan kene çıqarsalar, anavı eki qatlı yeşil evde oturacam
Qırımdaki laflardan

Eñ esası – serbestlikke ıntılğan qırımtatar halqına qarşı basqılarda yalıñız yañı rejim ileri ketmey. Bir çoq qırımlı da buña azır.

«Tünevin evge qaytam, Merkeziy bazardan Borçoqraqqa ketem, «büyük rus yolunıñ» eki vekili laf ete: tatarlarnı Qırımdan kene çıqarsalar, anavı eki qatlı yeşil evde oturacam»... Bunıñ kibi laflar 2014 senesi, Rusiye qırımtatarlarnıñ Vatanı – Qırımnı zapt etkende, sıq-sıq eşitilgen edi!!! Men yigirmi beş yıldan berli evni qurıp bitirmegen olsam da, bir şey olsa – olar almasın dep, yaqar yıqarım!», – dep paylaşa içtimaiy ağda Aqmescit sakini.

Soñki adiselerden soñ bunıñ kibi laflar daa sert oldı. Laflarnı aytma, qorquzmağa bile tırışalar.

Añlaşıla ki, Qırımdaki yañı rejimge «böl ve üküm et» printsipi kelişe. «Qırım» areketiniñ teşebbüsleri bu sebepten qolay-qolay unutıldımı? Yañı rejim Rusiyege qoltutqan qırımtatarlarğa muhtac degil, ğaliba, öyle körüne. «Ğalipler taqımı» da istemey. Olar akimiyette olmaq içün duşman qıdıralar. Rusiye qanunları bile bilmegen «Qırımnıñ halq taqımı» birleşmesiniñ saqlap qalmasına bücet sermiyası da berilecek. Şimdi olarnı aqlamaqnen beraber müim yerlerniñ baqılmasına yollap, kâr qanmaq da mümkün...

Qırımtatar halqını daa ziyade açuvlandıracaqlar.

«Soñki vaqıtları bunı daa ziyade inkişaf ettireler... «acayip ğayeniñ» («tuvğan yerlerge qaytuv» adlı aktsiyasını aytam) yaqınlaşqan soñu bunıñ temeli oldı... maqsadı ise, – bizni açuvlandırmaq içün qavğa çıqarmaqtır... bular bir şeyden qorqmay, çünki akimiyet olarnı kene saqlap, bütün mesüliyet kene bizge qalacaq... al-azırda eñ müimi – dayanıp, buña yol bermemek... biz ğalip çıqarmız... tezden... Qırım bizim, bir yerge ketmez... ve biz de ketmeycekmiz», – dep paylaşa fikirlerini qırımlılardan biri.

Sürgünlikni hatırlağan qartlar ve başqaları qorqa-qorqa özünden soraylar: tarih o qadar belâğa oğrağan qırımtatar halqı içün yañı bir facia azırlaymı? Qorqunç fikirlerni unutıp, özleri cevap bereler: yoq, olamaz

Zarema Seitablayeva, qırımlı, bloger

«Bloglar» rubrikasında aydınlatılğan fikir-tüşünceler müelliflerniñ noqtaiy-nazarını aks ettirip, muarririyetniñ baqışları ile aynı olmaması mümkün

XS
SM
MD
LG