«Advokatlarnı taqip etmege devam eteler» – Kurbedinov Rusiye Adalet nazirliginiñ talabı aqqında (video)
Rusiye Adalet nazirligi qırımlı advokat Emil Kurbedinovnı «Qırımnıñ merkeziy advokatlar kollegiyasından» 2019 senesi martnıñ 1-ne qadar çıqarmağa talap etti. Nazirlik Rusiye işğal etken Qırımdaki rayon mahkemeleriniñ eki qararına esaslana, anda Kurbedinovğa qarşı ekstremist faaliyetinen bağlı memuriy davalar baqılğan edi. Kurbedinov bu talapnı «pek telükeli emal» ve «advokatlarğa nisbeten devam etken taqip» olaraq köre. Qırımlı advokat Emil Kurbedinovnı Rusiye uquq qoruyıcıları 2018 senesi dekabrniñ 6-nda tutıp aldı. Mahkeme onı 2013 senesi Facebookta paylaşqanları içün ekstremist teşkilâtlarnıñ işaretleri ya da timsalleriniñ teşviqatı ve açıq numayış etilmesi sebebinden 5 künge apiske aldı. Kurbedinovnıñ zenaatdaşları dey ki, onı Suriye paytahtı Dimaşqqa köçken Qırım sakini şikâyet etti.