Qırımdaki uquq qoruyıcılar delirip, advokatlarnı avlay, dep tüşüne imayeci Emil Kurbedinov. Olga Skripnikniñ fikirince, bu tek advokatlarnı degil, umumiy bir qorquzuv siyaseti ola. Ukraina prezidentiniñ Qırım temsilciligi advokatlarğa qarşı basqı quvetleşti, çünki cenklerge qarşı narazılıq aktsiyalarına çıqqan Qırım faallerini imaye etmege imkân bermege istemeyler, dep tüşüne.
Edem Semedlâyev «Rusiye Federatsiyasınıñ menfaatlarını, vatandaşlarını qorumaq, halqara barışıq ve telükesizlikke qoltutmaq maqsadınen Rusiye Federatsiyası Silâlı quvetleriniñ qullanıluvını itibardan tüşürgen açıq areketlerde» qabaatlandı, Nazim Şeyhmambetov ise «cemaat toplaşqan yerde vatandaşlarnıñ aynı vaqıtta kütleviy bulunuvını teşkil etip, cemaat nizamını bozğanında» qabaatlandı. Keçken küzde toplaşqanlar maskasız edi ve bir-birinden bir metrden az mesafede turğan eken.