Link açıqlığı

Saatnıñ esas haberi

«Biz soñuna qadar küreşecekmiz»: Qurmandaki «Hizb ut-Tahrir davası» mabüsleri analarınıñ bir kişilik narazılıq aktsiyaları içün 25 biñ ruble para cezasını kapiklernen ödediler (video)


2021 senesi sentâbrniñ 2-nde qırımtatar faalleri 2021 senesi mayısnıñ 21-nde Kreml kontrolindeki Qurman rayon mahkemesi tarafından bir kişilik narazılıq aktsiyaları sebebinden Qurmandaki «Hizb ut-Tahrir davası» mabüsleri analarına berilgen para cezasını ödedi. Umumiy miqdarı 25 biñ ruble olğan para cezaları 10 ruble bergen yüzlernen qırımtatarınıñ yardımınen tölendi. Hatırlatamız, 2020 senesi oktâbrniñ 31-nde Qurmandaki «Hizb ut-Tahrir davası» mabüsleriniñ anaları oğullarına çıqarılacaq üküm ve devlet qabaatlayıcısı mahkemede talap etken apis cezasına qarşı narazılıq bildirmek içün bir kişilik narazılıq aktsiyalarına çıqqan edi. Yarım yıldan soñ olarğa qarşı memuriy davalar açıldı. 2020 senesi noyabrniñ 3-nde Rusiye mahkemesi Qurmandaki «Hizb ut-Tahrir davası» mabüslerine üküm çıqardı: ​Rustem Emirüseinov (soldan) 17 yılğa, Arsen Abhairov (ortada) – 13 yılğa, Eskender Abdulganiyev – 12 yılğa üküm etildi. (Video: Qırım Birdemligi)

«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG