Link açıqlığı

Saatnıñ esas haberi

«Çaremizge baqamız». Suvsız ve çapçaqlı Aqmescit (video)


«Çaremizge baqamız». Suvsız ve çapçaqlı Aqmescit (video)
Bekleñiz, lütfen

No media source currently available

0:00 0:04:14 0:00

Esas suv anbarlarınıñ qurumasına sebep olğan devamlı qurğaqlıq işğal etilgen Qırımnıñ daa çoq regionı içün problem ola. Suv qıtlığından başta Aqmescit ve yaqınlarındaki mesken yerlerniñ sakinleri zarar kördi. Üç aydan berli Qırım paytahtı cedvelge köre suv ala: saba üç saat ve aqşam öyle. Amma cedvelge er vaqıt ve er yerde riayet etilmey: «alttaki» qomşular suvnı qapatmayıp aqtırğanı içün yüksek qatlarnıñ sakinleri suvsız qala. Suv keyfiyeti de aynı vaziyette: bazı, hususan uzaq qalğan, mikroraynlarda musluqlardan sarı-qoñur şingenlik aqa. Aqmescitlilerni «keyfiyetsiz suv» musluqlarda noyabrniñ 26-na qadar olacaq, dep tenbilegenler. Bu borularnı yuvma planlarınen bağlı. Qırımnıñ Rusiye yolbaşçısı Sergey Aksenovnıñ aytqanına köre, Qırımda suv berüv cedvelleri daa eñ az bir yıl devam etecek. Rusiye ükümetiniñ Qırımnı suvnen temin etüv tedbir planına köre, ilk tatlılaştıruv donatmaları yarımadada 2022 senesine qadar peyda olmalı. Faqat Qırım ve Rusiye akimiyetiniñ fikirleri farqlı oldı. Resmiy Kiyv suv tek Qırım işğalden qurtarılğan soñ berilecek, dep bildire.

XS
SM
MD
LG