«Destegiñizniñ şavlelerini is ettim»: Mıkola Semena Kyivde nasıl qarşılandı (video)

İşğal etilgen Qırımda Rusiye akimiyeti tarafından mahküm etilgen Qırım.Aqiqat müellifi, qırımlı jurnalist Mıkola Semena fevralniñ 19-nda saba Kyivge Herson vilâyetiniñ Novooleksiyıvka treninen kelip çıqtı. Semenanı Kyiv vokzalında Ukraina telekanallarınıñ çekim taqımları, Qırım.Aqiqat, Azatlıq Radiosı işdeşleri, aq qorçalayıcılar, Qırımdan köçip kelgen insanlar, Ukraina PEN merkezi, Ukraina jurnalistleri milliy birligi ve Ukraina ombdusmeni ofisiniñ vekilleri qarşıladı. «50 yıl zenaatınen oğraşqan soñ onı senden bir kereden alğanlarında pek ağır, alışmağan duyğularıñ ola. Alacaq ve muarririyetke berilecek malümatnı köresiñ, amma bunı yapıp olamaysıñ. Kimseniñ böyle bir şey körmesini, zenaatdaşlarımdan iç birisiniñ böyle duyğularnı yaşamasını istemeyim», – dep ayttı Semena Qırım.Aqiqatqa.