«Bizni milliy kod birleştire»: Aqmescitte Vışıvanka künü (video)

Qırımnıñ ukrain cemiyeti vekilleri Aqmescitte Vışıvanka kününe qoşuldı. Ondan ziyade insan şeerniñ merkezinde çay içmege toplaştı. Olarnıñ arasında eskiden ukrain tili ocaları da bar. «Biz biri-birimizge kerekmiz. Bizni ya Tañrı, ya milliy kod birleştire. Vışıvanka aqqında aytqanda hatırlanğan kod», – dep paylaştı teessuratlarını körüşüv iştirakçilerinden biri. Vışıvanka künü – soñki on yıl içinde şekillengen resmiy olmağan bayram, mayısnıñ üçünci çarşenbe künü qayd etile, onı mahsus iş kününe belgilegenler ve devlet ya da din bayramına bağlamağanlar, bunıñ maqsadı vışıvanka tek bayram atributı degil, ukrainalılarnıñ er künlik yaşayış parçası olğanını köstermektir.