«Şeremetyevo» ava limanındaki yanğın (video)
Bazar künü, mayısnıñ 5-nde, Moskvadaki «Şeremetyevo» ava limanında qaza sebebinden qonğan Superjet-100 uçağındaki yanğın neticesinde 41 insan elâk oldı. Bu aqta Rusiye Tahqiqat komiteti bildire. «Aeroflot» ava şirketiniñ uçağında 73 insan ve beş ekipaj azası bar edi. Uçaq Moskva-Murmansk seferini kerçekleştirip, uçqan soñ aman-aman birden ava limanına qayttı. Rusiye kütleviy haber vastalarınıñ malümatına köre, bunıñ sebebi yaşın oldı. Uçaq tek ekinci kereden qonıp oldı, şassisi sındı ve yaqıt yanmağa başladı.