Prezident Memuriyeti yanında “Sağ ol, Petro” aktsiyası (video)
Aprelniñ 21-inde Ukrainada prezident saylavlarınıñ ekinci turı keçti. Merkeziy Saylav Komissiyası protokollarnıñ teşkerüvini bitirip tura. Baqıp çıqılğan protokollarnıñ 99,97%-ına köre, Volodımır Zelenskıy reylerniñ 73,23%-ını aldı, Petro Poroşenko ise - 24,45%. Poroşenkonıñ tarafdarları ve fikirdeşleri, içtimaiy ağlarda süretlerine “Sağ ol!” ya da “25%” yazılarını qoşıp başladı. “Sağ ol, Petro” Facebook tedbiriniñ iştirakçileri, Prezident Memuriyetiniñ yanına bile keldi.