Link açıqlığı

Saatnıñ esas haberi

Yañı doğğan Safiye babası SİZOdan qaytacağını bekley: apiske alınğan İzzet Abdullayevniñ qızı doğdı (video)


Yañı doğğan Safiye babası SİZOdan qaytacağını bekley: apiske alınğan İzzet Abdullayevniñ qızı doğdı (video)
Bekleñiz, lütfen

No media source currently available

0:00 0:04:38 0:00

Martnıñ 27-nde işğal etilgen Qırımda keçirilgen kütleviy tintüvlerden soñ apiske alınğan ve qomşu Rusiyege alıp ketirilgen qırımtatar faali İzzet Abdullayevniñ qızı doğdı. Adı Safiye oldı. «Şimdi haber aldıq, 2019 senesi martnıñ 27-nde kütleviy tintüvler vaqtında tutulğan ve apiske alınğan qırımtatarı İzzet Abdullayevniñ bugün (aprelniñ 2-nde) qızı doğdı», – dep yazdı qırımtatar faali Lutfiye Zudiyeva Facebook saifesinde. O, lâqayt qalmağanlarnı Abdullayevniñ qorantasını tebriklemesine çağırıp, apiske alınğannıñ apayına ve İzzetke şahsen advokat üzerinden hayırlav sözlerini yetkizecek, dep vade etti. Martnıñ 27-nde FSB, Rusiye İç işler nazirligi ve Rusiye gvardiyasınıñ hadimleri martnıñ 27-nde Qırımda qırımtatarlarnıñ, şu cümleden "Qırım birdemligi" faalleriniñ evlerinde tintüvler keçirdi. Neticede 24 insan tutuldı. Remzi Bekirov, Riza İzetov, Ruslan Suleymanov, Farid Bazarov ve Şaban Umerov Rusiye Ceza kodeksiniñ 205.5 maddesiniñ 1-inci qısmına (terror gruppasınıñ faaliyetini teşkil etüv) istinaden qabaatlana. Qalğanları terror teşkilâtınıñ faaliyetinde (Rusiye Ceza kodeksiniñ 205.5 maddesiniñ 2-nci qısmı) iştirak etkeninden şübheli sayıla. Martnıñ 29-nda Qırımnıñ Rusiye ombudsmeni Lüdmila Lubina Qırım.Aqiqatqabildirgenine köre, Qırımda tevqif etilgen 23 qırımtatar faalini Rusiyege alıp ketkenler. «Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti. (Video: Qırım birdemligi)

XS
SM
MD
LG