Ablâlimova: «Han caminiñ içinde ne olğanını bilmeymiz» (video)

Bağçasaraydaki Han sarayı-müzeyine kirgen Büyük Han cami yarımadanıñ Rusiye akimiyeti keçirgen «tamir-restavratsiya» işleri neticesinde bozuldı. Böyle bir fikirni Bağçasaray tarihiy-medeniy qoruğınıñ sabıq müdiri Elmira Ablâlimova Qırım.Aqiqatqa bildirdi. Onıñ qayd etkenine köre, Rusiye akimiyeti camige kirişni sıñırlap, virane miqdarını gizleycek ola. «Böyle sert tedbirlerniñ alınması – kiriş sıñırlanması, foto çıqaruv yasağı vaziyet pek qıyın olğanını tüşünmege sebep ola», – dep qoştı Ablâlimova.