Mustafayev psihiatrik hastahanede tutulmasını qanunsız dep saya

Apiste tutulğan Bağçasaraydaki «Hizb ut-Tahrir davasınıñ» mabüsi, «Qırım birdemliginiñ» koordinatorı Server Mustafayevni psihiatrik hastahanege avuştırıp, «aqlı yerindemi-yoqmı qarar çıqaracaq olalar». İmayeci Sergey Legostovnıñ malümatına köre, Mustafayev Qırımnıñ cumhuriyet psihiatrik hastahanesiniñ 15-inci bölüginde mahkeme-psihiatrik ekspertiza bölüginde buluna. «Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.