Link açıqlığı

Saatnıñ esas haberi

Moskovada cenkke qarşılıq köstere ediler, amma Kreml tarafdarı olğan faaller aktsiyağa keder etti (video)


Moskovada cenkke qarşılıq köstere ediler, amma Kreml tarafdarı olğan faaller aktsiyağa keder etti (video)
Bekleñiz, lütfen

No media source currently available

0:00 0:02:20 0:00

Dekabr 1-inde Rusiye paytahtında cemaat faalleri cenkke qarşı aktsiyağa çıqıp, prezident Putin memuriyetiniñ binası yanında piket keçirdi. Faaller, 2014 senesi noyabr 25-te Keriç boğazında Rusiyeniñ tecavuziy areketlerine qarşılıq kösterip, “Ukraina ile cenkke - yoq!” yazılarnı ketirdi. Silâsız cemaat toplaşuvını “14%” areketi teşkil etti, oña “Nemtsov most”nıñ göñüllileri de qoşuldı. Asıl, aktsiyanı Rusiye Tış İşler Nazirligi yanında keçirecek ediler, amma buña SEBR areketiniñ Kreml tarafdarları olğan faaller keder etti. Ukraina Arbiy deñiz quvetleri bildirgenine köre, noyabrniñ 25-nde Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi. Rusiyeniñ «Don» sıñır kateri Ukraina Arbiy deñiz quvetleriniñ «Yañı Qapu» reyd buksirine aselet çarptı. Daa soñra belli oldı ki, FSB Qara deñizde Ukraina gemilerine qarşı silâ qullandı. Kyivniñ malümatına köre, FSB açqan ateş neticesinde altı Ukraina askeri yaralandı. Rusiye FSBsi Ukraina gemilerine qarşı silâ qullanılğanını tasdıqlap, yaralanğan üç Ukraina deñizcisi aqqında haber etti. Ukraina Havsızlıq hızmetinde (SBU), ukrain deñizcilerinen beraber gemilerde eki SBU hadimi olğanını bildirdi. Kreml nezareti altındaki Aqmescitniñ Kiyev rayon mahkemesi, Keriç boğazında tutılğan Ukraina deñizcileri ve Ukraina telükesizlik hızmetiniñ hadimlerini 2019 senesi yanvarniñ 25-ne qadar tevqif etti. Keriç hastahanesinde yaqtqan daa üç deñizcini Keriç şeer mahkemesi tevfiq etti. Olar da 2018 senesi yanvar 25-ine qadar apiste bulunacaq. Ukraina askerleri 6 yılğa azatlıqtan marum qala bile.

XS
SM
MD
LG