Qırımdaki Rusiye mahsus hızmetleri kimnen küreşe (video)

Qırım işğalinden soñ Rusiye mahsus hızmetleri terror ücümleriniñ ögüni alğanını ve cinayetçilerni yaqalağanını muntazam sürette bildire. Sıq-sıq mustaqil jurnalistler, cemaat faalleri, Rusiyede yasaqlanğan «Hizb ut-Tahrir» teşkilâtı ile alâqalarında şeklengen qırımtatarlar ya da musulmanlar tutula. «Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta. Amma bu maqsatqa irişmek içün terroristik usullar qullanğanını inkâr ete ve Rusiyede adaletsiz taqip etilgenini ayta. Rusiye Yuqarı mahkemesi «Hizb ut-Tahrir» teşkilâtını terrorizmde qabaatlap yasaqlağan edi. Aq qorçalayıcılar, «Hizb ut-Tahrir» davası boyunca mahküm etilgen qırımlılarnı siyasiy mabüs olaraq tanıy, taqip etilmelerini ise diniy sebeplernen bağlı olğanını saya.