Link açıqlığı

Saatnıñ esas haberi

«Qırım birdemligi» uquqiy mesleatlar berecek (video)


«Qırım birdemligi» uquqiy mesleatlar berecek (video)
Bekleñiz, lütfen

No media source currently available

0:00 0:02:52 0:00

«Qırım birdemliginiñ» uquqçıları tintüv ve insanlar tutulıp alınğan vaqıtta nasıl davranmaq kerek olğanınen bağlı metodik tevsiyeler azırlap, gece-kündüz uquqiy tevsiyeler berecek «canlı bağ» teşkil etti. 2016 senesi aprelniñ 9-nda İnsan aqları boyunca Qırım kontakt gruppası ilk defa Aqyarda, rusiyeli uquqqoruyıcı organları tarafından Qırımda apiske alınğan bütün müsülman aileleriniñ körüşüvini teşkil etken edi. Bundan soñ «Qırım birdemligi» rusiyeli uquqoruyıcı organları tarafından Rusiyede ve ilhaq etilgen Qırımda yasaqlanğan «Hizb ut-Tahrir» teşkilâtında iştirak etmesinde qabaatlanğanlarnıñ ailelerinden ğayrı, Qırımdaki diger siyasiy mabüslerniñ qorantaları, hırsızlanğan ve ğayıp olğan müsülmanlarnıñ da aileleri içün açıq olıp qaldı. «Hizb ut-Tahrir işi» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı dep saya. Advokat Emil Kürbedinovnıñ qayd etkenine köre, Rusiye uquqqoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleridir.«Hizb ut-Tahrir» halqara islâm siyasiy teşkilâtı bütün musulman devletleriniñ islâm halifatına birleştirilmesini öz maqsadı olğanını ayta, amma olar, bu maqsatqa irişmek oğrunda terroristik usullarnı red ete ve Rusiyede adaletsizce taqip etilgenini aytalar. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etken edi.

XS
SM
MD
LG