Link açıqlığı

Saatnıñ esas haberi

Qırımda ğayıp olğan Ervin İbragimovnıñ doğğan künü qayd etildi (foto galereya)

Belgisiz ğayıp olğan qırımtatar faili Ervin İbragimovnıñ ana-babasına Bağçasarayğa iyülniñ 17-nde aileniñ dostları ve cemaatçılar kelip, onıñ 32-ci doğğan kününi qayd etti.

Umer İbragimov ve Lilâ Aliyevanı desteklemek ve hayırlamaq içün, olarğa Qırımtatar Milliy Meclis reisiniñ muavini İlmi Umerov, faaliyetçi Nariman Celâlov, Ahtem Çiygoznıñ babası Zeytulla Çiygoz, qırımtatarlarnıñ yetekçisi Mustafa Cemilevniñ apayı Safinar ve aileniñ dostları keldi.

Ervin İbragimov 32 yaşını toldurdı.

İbragimov 2016 senesi mayısnıñ 24-de Bağçasarayda öz evi yanında belgisiz insanlar tarafından qaçırıldı. Yol inspektorları urbasında adamlar qırımtatarınıñ maşinasını toqtatıp, onı çıqardı ve mikroavtobusqa oturtıp alıp ketti. O yerge yaqın olğan tükânnıñ video nezareti kamerası bu adiseni qayd etti. İbragimovnıñ qıruvları iç bir neticenen belgilenmedi. Babasınıñ sözlerine köre, taqıqat işleri alıp barılmay. Esir etilgen Ervin İbragimov aqqında endi bir yıldan ziyade iç bir şey malüm degil.


Facebook Forum

XS
SM
MD
LG