Uquq qorçalayıcı Qırımnıñ İçki rayonındaki teşkerüvler aqqında (video)

Qırım insan aqları bağ gruppasınıñ koordinatorı Abdureşit Cepparov Qırım.Aqiqatqa izaat berip, Rusiye uquq qoruyıcıları eñ küçük sebepni qullanıp, qırımtatarlarğa nisbeten küç qullana, dep bildirdi. «Adiy insannıñ qorantasını teşkermek içün bir sıra uquq qoruyıcı ne kerek? Eminim, qırımtatarı olmasa edi, o qadar insan celp etilmez edi », – dep bildirdi uquq qorçalayıcı. Rusiye Qırımnı işğal etken soñ yarımadada mustaqil jurnalistler, cemaat failleri, Rusiyede yasaq etilgen «Hizb ut-Tahrir» teşkilâtınen bağlı olğanlarında şeklengen Qırım musulmanları, qırımtatar Milliy areket failleri, Meclis azalarınıñ evlerinde tintüvler sıqlaştı.