Aksenov Çiygoznıñ qabaatını isbatlap olamadı (video)

Kreml kontrol etken Qırım yolbaşçısı Sergey Aksenov yanvar 31-de «Çiygoz davasınıñ» mahkemesinde malümat berdi. Advokat Nikolay Polozovnıñ aytqanına köre, Aksenov Ahtem Çiygoznıñ qabaatına dair bir delil kösterip olamadı. O, mahkemede «halq göñüllileriniñ» meydanğa ketirilmesi işi onıñ olğanını aytıp, bir çoq iştirakçisiniñ silâsı bar olğanını tanıdı. Nikolay Polozov qayd ete ki, «Rus birligi» firqası ve şahsen Aksenov silâlı zıddiyetke azır ediler.