Link açıqlığı

Rusiye tış işler nazirliginde 2014 senesi yarımadağa kirişi yasaq etilgen qırımtatarlarnıñ milliy yetekçisi Qırımnıñ aqiqiy vaziyetini bozıp köstergenini qayd eteler.

Bunı matbuat konferentsiyasında Rusiye Tış işler nazirliginiñ resmiy temsilcisi Aleksandr Lukaşeviç bildirdi, dep haber ete nazirlikniñ matbuat hızmeti twitterde.

«Mustafa Cemilevniñ soñki sözleriniñ maqsadı – aqiqiy vaziyetniñ bozulıp kösterilmesi, yerli akimiyet işiniñ lekelevidir», – dep bildire Lukaşeviçniñ sözlerini matbuat hızmeti.

«Ğarbiy sponsorlar tarafından desteklengen Cemilevniñ areketleri qırımtatarlarnıñ aman yaşayışına yardım etmey. Qırımtatarlar Qırımnıñ Ukrainağa qaytıp kelmesine qol tutqanı aqqında sözleri aqiqatqa ters kele», – dep bildirdi Rusiye tış işler nazirliginiñ temsilcisi.

O emindir ki, keçken seneden itibaren «qırımtatarlar ile bağlı meseleni siyasetleştirmege tırışalar», Cemilevniñ areketlerini ise qırımtatarlarnıñ ayatına keder etken tarik olaraq adladı.

Mında eminler ki, Cemilev qırımtatarlar arasında keñ destekke nail degil.

2014 senesi mayıs 2 künü Mustafa Cemilevge işğal etilgen Qırımğa kirişni 5 yılğa yasaq ettiler. İyül beş künü aynı yasaq Qırımtatar Milliy Meclis reisi Refat Çubarovğa berildi. Cemilev işbu qararğa Rusiye mahkemelerinde itirazını bildire.

XS
SM
MD
LG