Link açıqlığı

Rusiyeniñ naqliye nazirligi Qırım içün büyük kölemli paromnı kirağa aldı


Kavkaz ve Qırım arasındaki keçitte yürmek içün büyük kölemli, yañı yunan salı kelecek.

Qırımnıñ naqliye "naziri" Yuriy Şevçenko bildirgenine köre, bu 160 yengil araba ve 600 passajir yüklemege imkânı olğan, zemaneviy, oñaytlı, eki qatlı gemidir.

Parom Port "Qırım" ve Port "Kavkaz" arasında yürmek içün faydalanacaq. Gemi Rusiye Naqliye nazirligi sımarışınen Birdem naqliye direktsiya adından kirağa alındı. Parom Qırımda oktâbrgece çalışacağı közde tutula.

Esaplarğa köre, bir kün-bir gecede Keriç keçitinden eñ azı 8000 turist keçirilecek eken. Bu mıqdarğa avtotransport saipleri de qoşulsa, bu sayı artmaq da mümkün, dedi Şevçenko.

"Şunıñnen birge, eñ yaqın vaqıtlarda keçitten 50 avtobus reysi yürip başlaycaq. Bir aydan soñra olarnı 70-kece arttıracaqlar", - dep, ikâye etti "nazir".
XS
SM
MD
LG