Link açıqlığı

Saatnıñ esas haberi

Advokatlar Savçenko işi ile bağlı malümatnı aşkâr ete


Ukrain uçucısı Nadejda Savçenkonıñ imayesi oña qarşı cinaiy işnen bağlı malümatnı aşkâr etmege başladı.

Adliyecilerden biri Mark Feygin saytında «LHC» teşkilâtınıñ yetekçisi İgor Plotnitskiyniñ sorğursından protokollarnı aşkâr etti.

«Onıñ şaatlığı 2014 senesi iyün 17 ve 23 künleri aqqındadır, Sanvçenkonıñ esaretke alınğanı ve оnıñ «Zarâ» batalyonından «göñülli çıquvı» zamanı», – dey Feygin.

Evel avdokatlar Savçenko işi ile bağlı malümatnı aşkâr etmek niyetleri aqqında bildirgen ediler. Advokatı İlya Novikov imayesi mahkemeniñ başlanmasına qadar işniñ bütün 40 cıltını aşkâr etmek niyetinde bulunğanını bildirdi.

İyün 29 künü Savçenkonıñ advokatı Nikolay Polozov imaye iş malümatlarını ögrenmege bitirgenini qayd etti.

Nadejda Savçenko keçken seneniñ iyül ayından itibaren Rusiye apishanesinde buluna. O, qabaatını red etip, separatistler tarafından esir alınğanını ve Ukrainadan Rusiyege qanunsız alda çıqarılğanını bildire. Ukrain arbiyi eki kere açlıqnı ilân etken edi.

XS
SM
MD
LG