1944 senesi mayıs 18-de qırımtatar halqı büyük faciağa oğradı. Qorquzılğan, qabaatını añlamağan, sovet askerleri tarafından evlerinden quvulğan adamlar, elbet de, yıllar devamında qazanğan mal-mülkini yanına alıp olamadılar. Birisi qıymetli bir şey almağa yetiştirdi, başqası ise şaşmalap iç bir qıymeti olmağan şeyni aldı... Lâkin qırımtatar evleri boş qalmadılar.
Qırımtatar tarihınıñ müim saifeleri ve olarnıñ Qırım devletçiligi ve serbestligi oğrunda küreşi aqqında – Qırım.Aqiqatnıñ yañı leyhası, Qırım tarihçısı Gülnara Abdulanıñ «Tuğra» adlı videoblogunda.
Tuğra – hanlarnıñ müüri, qırımtatar devletçiliginiñ timsali, Qırımnıñ şimdiki vaziyetini añlamağa yardım etken bir anahtardır
Tuğra – hanlarnıñ müüri, qırımtatar devletçiliginiñ timsali, Qırımnıñ şimdiki vaziyetini añlamağa yardım etken bir anahtardır.
Metn müelifi ve alıp barıcı Gülnara Abdulla, rejissör Fatima Osmanova, operator ve montaj rejissörı Eldar Halilov, ğaye müellifi ve prodüsser Emine Ceppar.
Videoda Nizami İbraimovnıñ kollektsiyasından resimler, Hanlar sarayınıñ kollektsiyasından fotoresimler, em de belli Qırım müellifleri ve icracılar Enver İzmaylov ve Afize Kasaranıñ muzıkası qullanıla.
Gülnara Abdulla, Qırım tarihçısı
«Bloglar» rubrikasında aydınlatılğan fikirler müelliflerge ait ve muarririyetniñ fikir-tüşünceleri ile aynı olmaması mümkün
