Link açıqlığı

Saatnıñ esas haberi

Aqmescitte evelki ukrain gimnaziyasınıñ talebeleri «soñki çañ» bayramına vışıvanka kiyip keldiler


Cuma künü, mayıs 22-de, Rusiye işğalinden soñ «Aqmescit akademik gimaziуаsı» olğan Aqmescitniñ ukrain mektep-gimnaziyasınıñ telebeleri «soñki çañ» bayramına vışıvanka kiyip keldiler. Bu esasen ukrain tilli başlanğıç ve orta sınıflarnıñ talebeleri edi, haber ete Qırım.Aqiqat.

Tantanalı tedbirde olimpiada, yarış ve sport yarışlarınıñ ğalipleri ile mezunlarnı taqdirlediler. Fahriy yarlıqlarnı gimnaziyanıñ eñ eyi oca ve talebeleri, em de mektep ayatında faal iştirak etken ana-babalar aldılar.

Balalar kökke kürrelerni yolladı, bayramnıñ soñunda mezunlar öz soñki dersine yol aldı. Bıltır gimnaziyada soñ çañ bayramı Rusiye gimni ile keçti.

Aqmescit mekteplerinde mayıs 20 kününden «soñki çañ» bayramları başlandı. Qırımnı öz nezareti altına alğan Rusiyede «soñki çañ» bayramı keçirilecek bir kün belgilenmegen. Er oquv yurtu bayram kününi özü saylay bile. Mayısnıñ 25 kününe kelgen birinci devlet imtianından evel olmalı. Ukraina mekteplerinde Soñki çañ bayramları mayıs 29 künü keçirilecektir.

XS
SM
MD
LG