Link açıqlığı

Saatnıñ esas haberi

İçtimaiy ağda yazğanları içün intiqammı? Aqmescitte ATR telekanalınıñ sabıq operatorınıñ evinde tintüv keçirildi


Amet Ümerov
Amet Ümerov

Aqmescitte videooperator Amet Ümerovnıñ evinde aprel 11-de saba Ekstremizm ile küreş merkeziniñ hadimleri tarafından tintüv keçirildi. Bunı Qırım.Aqiqatnıñ mühbirine Ümerovnıñ dost ve işdeşleri bildirdiler.

Olarnıñ aytqanına köre, tintüv sebebi Ametniñ içtimaiy ağlarda Qırımdaki Rusiye akimiyetiniñ areketlerine qarşı tenqid sözleri oldı.

Ümerovnıñ dostları bildirdiler ki, tintüv çoq devam etmedi. «E» Merkeziniñ hadimleri bilgisayar malümatını ögrendi ve videotehnikanı teşkerdiler, lâkin bir şeyni almadılar.

Ümerov ömür arqadaşı, küçük balası ve ana-babasınen yaşay. Al-azırda videooperator Ekstremizm ile küreş boyunca Aqmescit İdaresinde buluna.

Bir qaç yıl evelsi Amet Ümerov ATR telekanalınıñ operatorı olıp çalışqan edi. Şimdi ise toylarnı çıqara.

XS
SM
MD
LG