Ukraina prezidenti Petro Poroşenko Almaniya kantsleri Angela Merkel, Frenkistan prezidenti François Hollande ve Rusiye prezidenti Vladimir Putin ile telefon vastasınen subetleşti.
Devlet yolbaşçısınıñ matbuat hızmeti bildire ki, subetdeşler Minsk añlaşmalarına riayet etmeli, dep qayd ettiler.
Ukraina prezidenti mahbüs Nadejda Savçenkonıñ azat etilmek kerekligi aqqında ayttı.
Devlet reberleri Üç taraflı kontakt gruppasınıñ dekabr 24-te ve 26-da Minskte körüşüvi ötkerilecegini belgilediler.
Petro Poroşenko, Angela Merkel, François Hollande ve Vladimir Putin bir qaç künden soñ telefon mesleatlarına devam etmege keliştiler.
