Rusiye rubleniñ tüşmesi ile işğal etilgen Qırımda para eyecanı başlandı. Qırım.Aqiqat bergen malümatına köre, çetel paranıñ kursı er 5-10 daqiqa deñişe. İnsanlar telâşta deñiştirüv noqtalarında olğan para birlemlerini satın almağa atılğanlar.
«Dollar, yevro, grivnanı bile alalar. Kurs nasıl olğanına baqmadan alalar, çünki o ep yüksele ve insanlar daa da ücüzca almağa areket eteler», – dep añlattalar Qırım.Aqiqatqa para deñiştirüv noqtalarında, amma şimdi Qırımda para qıtlığı olmağanını qayd eteler.
Yerli vaqıt boyunca saat 15:00 bir dollar içün Aqmescitte 77 ruble, bir yevro içün – 94 ruble, bir grivna içün – 0,29 isteyler.
Para birlemi kursı Qırım tükânlarında olğan fiyatlarda aks etile, satıcılar mahsulatnıñ fiyatlarını deñiştirmege bile yetiştirmeyler.
Saba, dekabr 16 künü, Moskva birjasında yevro 4,1 ruble coydı ve 74,7 ruble seviyesinde tura edi. Dollar 4,7 rublege eksildi ve 59,7 oldı
Saat 15:00 dollar 74, yevro – 93 ruble oldı. Bu daa bir tarihiy rekord olıp sayıla.
