İşğal etilgen Qırımda eki biñden ziyade demir yol hadimi işsiz qala bile. Qırımnıñ öz başına ilân etilgen ükümetiniñ «ruporı» Krıminform saytı bildire ki, Qırımda demir yol taşımalarınıñ eksilmesi «Qırım demir yolu» devlet müessisesinde 2 biñden ziyade hadiminiñ işten boşatılmasına sebep ola bile.
Berilgen malümatqa köre, şimdi bile qısqartılğan iş künü cedveli bar.
Umumen Qırımda 49 biñ insan işsiz qalması mümkün.
Qırım işğalinden soñ yarımadada demir yol taşımaları aman-aman tolusınen yoq etildi. Malüm ki, eskiden bir yılda yük taşımaları 11 mln tonnanı teşkil etken edi.
Yük taşımaları esasen qıtaiy Ukrainadan kelgen edi, soñra da Qırımnıñ deñiz limanlarına ve çetelge yollanıla edi.
