Link açıqlığı

Saatnıñ esas haberi

Aqyar akimiyetini aşayt mahsulat fiyatlarınıñ artması qasevetlendire


İşğal etilgen Aqyarda aşayt mahsulatınıñ fiyatları ep arta. Bunı Aqyar «ükümetiniñ» istimalcı bazar ve litsenziya baş idaresiniñ yolbaşçısı Nikolay Lişenko sentâbr 29-da toplaşuvda bildirdi.

Qırımnıñ öz başına ilân etilgen ükümetine yaqın olğan Krıminform saytınıñ malümatına köre, Lişenko fiyatlar artmasını «logistika problemlerinen» bağlay.

«Baqqaliye gruppasında fiyatlar arta. Keçken aftağa nisbeten un fiyatı arttı – 3%, pirniç gruppası – 1,6%, künaylan yağı – 3,5%, şeker – 1,8%», – dedi Lişenko. Aynı vaqıtta o yımırta fiyatı – 6% ve et – 4% artqanını ayttı.

Lişenkonıñ qayd etkenine köre, furtuna havfı sebebinden Rusiyeniñ diger regionlarından aşayt mahsulatını ketirmek daa zor oldı, em de Ukrainanıñ Qırım ile sıñırında yükni resmiyleştirmek kerek, bunıñ episi tesir etedir.

Onıñ aytqanına köre, Keriç keçitinde qullanuv müddeti qısqa olğan aşayt mahsulatı içün «yeşil ayat» temin etildi. Ötmek fiyatı deñişmey qala, çünki onı Aqyar ve Qırım müessiseleri azırlay.

XS
SM
MD
LG