Link açıqlığı

Saatnıñ esas haberi

Başkortostan Qarasuvbazar rayonınıñ mekteplerinde donatmalarnıñ tüzetmesi ve satın alınmasına para berdi


İşğal etilgen Qırımnıñ Qarasuvbazar rayonı Rusiye Federatsiyasınıñ Başkortostan Cumhuriyetinden yardım aldı. Qırımnıñ öz başına ilân etilgen ükümetine yaqın olğan «Krıminform» saytınıñ malümatına köre, cumhuriyet Qarasuvbazar rayonınıñ mekteplerini oquv yılına azırlamaq içün 90 million ruble ayırdı.

Bunı sentâbr 2-de Qarasuvbazar rayon devlet memuriyetiniñ reis muavini Nikolay Stegaçöv bildirdi.

Onıñ aytqanına köre, sermiya mektep ve bala bağçalarınıñ mal tehnikiy bazalarını eyileştirmek içün sarf etildi.

Başkortostan sermiyasına, neşirniñ malümatına binaen, mektep kütüphanelerinde kitaplar çoqlaştı, bazı mekteplerde zarur olğan naqliyat, em de interaktiv odalar ve bilgisayar sınıfları peyda oldılar.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG